Galtzagorri
Groseko sukalde komunitarioa
Herrerako sukaldaritza komunitarioaren proiektuarekin hasi ginenean, konturatu ginen ideia hori Donostialdeko beste auzo batzuetara zabal zitekeela, eta proiektuarekin elkarlanean aritzeko espazioak baino ez genituen behar. Ekimenarekin lankidetzan aritzea erabakitzen duten espazioetan modu inbaditzaile batekin ez sartzeko, “banaketa-nodo” kontzeptua sortzen dugu, hau da, sukalde komunitarioko janaria beste auzo batzuetan banatzea ahalbidetzen digun hozkailu bat kokatzeko espazioa. Banaketa-nodoaren ideia, azken batean erabat autonomo eta subiranoa izan daitekeen sukaldea pixkanaka sortzen joatea da, banaketa soil batetik, suak piztu eta guztiz sendotzerainoko bidea izatea.
Gaur egun, grosen, Marruma elkarte gastronomikoan kokatzen gara, Basajaunen banaketa-nodo gisa sortutako lehen gunean, eta, beraz, auzo horretako bazkideengandik jasotzen diren eskaerak Herreran kozinatu eta ontziratzen dira, ondoren Gros auzora eramateko.
Sukaldaritza komunitarioaren balioak modu zabalagoan azaltzen dira gure “Zer da sukaldaritza komunitarioa?” atalean, izena eman aurretik atal hori bisitatzera gonbidatzen zaitugu, zeren eta, hau ez baita elikagai kozinatuen zerbitzu soil bat, helburu soziopolitikoak dituen ekimen komunitario bat baizik.
Eskaintzen ditugun asteroko menuak elikadura-premia desberdinetara egokitu ahal izateko pentsatuta daude. Komunitateko sukaldeen proiektuaren helburuetako bat da gutariko bakoitzak bere elikaduraren eta beharren ardura hartzea, bai kontsumitutako elikagai-kantitateari dagokionez, bai kontsumitutako elikagai-motari dagokionez. Horregatik, oinarrizko 18 plater eskaintzen dizkizuegu beti, lekaleak, pastak, arrozak eta entsaladak oinarri hartuta, eta 3 plater birakari, beti bat barazkiena, arrainarena eta bestea haragiarena. Horri esker, sasoiko produktua zuen kontsumorako kozinatuta eta ontziratuta eskaintzen dizuegu. Lehen aipatu dugun bezala, bi egun ditugu sukaldatzeko, astelehenean eta asteazkenean; beraz, plater birakariak aldatu egiten dira bi egun horien artean, eta oinarrizkoak mantendu egiten dira. Horrela, modu grafikoan geratuko litzateke asteko menu-eskaintza bat.
Ikusi ahal izan duzunez, astelehenean eta asteazkenean prestatutako platerak daude, zure beharren arabera, goizez edo arratsaldez egin ditzakezun asteko bi banaketei dagozkienak. Elkar hobeto ulertzeko, astelehenean prestatutako platerak astelehen arratsaldean edo astearte goizean jaso ditzakezu, eta asteazkenean prestatutakoak, berriz, asteazken arratsaldean edo ostegun goizean.
Menuen prezioak aldatu egiten dira begi bistako 2 faktoreren arabera.
Ekimenean erabilitako ontziak tamaina estandarizatukoak dira, eta, horrela, sukaldeko lana errazten dugu, bai enplegatuaren eta arrazionatuaren neurrietarako, bai biltegiratzeko eta garraiatzeko logistikarako. bazkide bakoitzak ontzi-sorta bat jasotzen du asteko menuaren bilketan, eta hurrengo bilketetan hustu egin behar du. Ontziak esterilizatu egiten dira tenperatura altuko urarekin bete aurretik. Horrela, ontzi berrerabilgarrien zirkuitu bat sortzen dugu, eta bazkide bakoitzak horren ardura hartzen du.
Ontziak Iberiar penintsulan egiten dira, eta EBko elikadura-arauak betetzen dituzte.
Sukaldaritza komunitarioak bere helburuak bete ditzan, ezinbestekoa da gure hornitzaileak ahalik eta etikoenak eta lokalenak izatea. Horregatik, tokiko ekoizleekin lan egiten saiatzen gara, eta, halakorik ezean, tokiko merkataritzarekin. Komunitateak indarra hartzen duen heinean, etikoki kontsumitzeko aukera handiagoa dugu; izan ere, lana errazago egiten da, eta metatzeko ahalmen ekonomikoak gure hautatzeko aukera handitzen du, edo, hobeto esanda, faktore mugatzailea izateari uzten dio.
Gure hornitzaileei buruzko informazio gehiago nahi baduzu, kontsultatu gure webgunearen atala.
Groseko nodoarentzako bilketa-puntua Kale berri 12an dago, Marruma elkarte gastronomikoan, Astearte eta Ostegun goizeko banaketetan ez dugu bilketa kudeatuko duen langilerik, eta, beraz, puntu honetan arratsaldeetan bakarrik artatuko zaitugu modu pertsonalean.
Info@basajaunelkartea.eus helbidera ere idatz dezakezu, edo bestela, whatsapp bat bidal dezakezu 624398578 zenbakira, Groseko gure agente komunitarioarekin hitzordua zehazteko.
Gure APParen bidez, inguruko tokiko ekoizleengandik ekarriko ditugun produktuak ere eskuratu ahal izango dituzu, hala nola jogurtak, izozkiak, zukuak, marmeladak… nahiz eta horiek ez diren menuetan sartzen, guk bilketa-puntura hurbildu eta zure asteroko menuak eman diezazkizuekegu, bidaia aprobetxa dezazun.
Badakigu ekimen hau ez dela oso ohikoa, eta, beraz, normala da zalantzak izatea. Horiek argitzeko egin dezakezun gauzarik onena parte hartzea eta 2 asteko proba bat egitea dela uste dugu, sukaldeen konfederazioko kide den komunitate bakoitzak bere agente komunitarioa du, eta arazorik gabe harremanetan jar zaitezke edozein zalantza konpontzeko.